زيادة مساهمات

بّنِتَ العَتِيبُيْ مَ مثَلهٌآ بِنَتُ ! ..

عُتِيبٌيَه وآقَوِلهَ بُفَخّر ..

قال الذي ولف الامثال ونشاهــا

ورتب حروف عن النقصان مضمونه

تعبير عن عزوتن يفخر بطرياها العتبان

ربعن عزيزين ولافا يعـــــزونــــــه

ربعي عتيبه [ لهـا تاريخ يحمــاهـا

وانسابهم عن مجال الشك مصيونه

منبع كرم ماضى الايام واتــلاها

يشهد لهم كل عصر بما يســــوونه

قبيلتى طيبها يبــرا مسمـاها

بيت الشرف يعمــرونه ما يهدونــــه

قبيلتي دايما بروحي افداهـا

واحساسي بخدمة العتبان مـرهونه

وارج السموحه من اولهـا لين اتلاها

وصلو على اللي شرع بالدين وركونه

ياناس حّنا من ضنـا نجـد عتبـان

يشهد لنا التاريخ لو قلـت حنّـا

حنا فياض ٍ وأن قسى الوقت ضلعـان

حنّا البحر مدام هـالأرض منّـا

حنّـا الرعـد حنّـا زلازل وبركـان

حنّا دمـار الكـون لوقيـل عنّـا

حنّا شعاع الشمـس والليـل خسـران

حنّا الليالي لاأقبلـن مـا وطنّـا

حنّـا غديـر ٍ يعشقـه كـل ضميـان

حنّـا غـرام ٍ والـعـذارا هـونّـا

حنّا الكـرم والطيـب شايـب وشبّـان

حنّا عتيبه من لنا المجد غنّـا

حنّـا سلاطيـن الجزيـره إلـى الآن

ماهمنّـا اللـي بالنوايـا أمتحـنّـا

حنّـا سيـوفٍ هابنـا كـل خــوان

حنا السنين الماضيه مـن بكنّـا

حنّا السما لا صار بـالأرض نقصـان

بعـد الوّلـي هالكـون منّـا وألنـا

حنّا هنا وأعـرف بلاكـان ماكـان

حنّـا هنـا وهنـاك كـنّـا وإنّــا

حنّا وحنّا لوبغـى القـول برهـان

للمجد والعّـزه سـوى أكتبّنـا

شاعر وجيت من الفخر حيل طربان

دام الطـروق اللـي تغنّـا لحـنّـا

حنّا قصيده شامخه تحـت عنـوان

حنّا عتيبه وأنشد الكـل عنّـا

لامنك نصيـت الدائـره دور العتبـان
زحول الرجال اللي تصخر لك القاسي
تنشد عن اهل الإسم والرقم والعنـوان
رجالاً تفك اللي من الوقت محتاسـي
تنشد عن اللي فالمواقف لهـم برهـان
قريب بحال وحال مبعدت الارماسـي
عتيبه هل الفزعات من خلقة العربـان
عتيبه خذوها يـوم الاريـاق يباسـي
عتيبه خذوها يوم رمح وفرس وعنـان
من أول لياركبوا على قب الافراسـي
خذ العلم مني وعرف الدرب ياغلطان
خذ العلم ياللي عن علوم العرب ناسي
أنا يوم اشوف إسم العتيبي وأنا عجلان
علي الحرام إنه يوقف شعـر راسـي